ປະຫວັດຄວາມເປັນມາຂອງພວກເຮົາ RPLC

ບໍລິສັດຮ່ວມພັດທະນາເຊົ່າສິນເຊື່ອ ຈຳກັດ ກໍ່ຕັ້ງຂື້ນໃນປີ 2011 ໂດຍນັກລົງທືນຊາວໄທ ເພື່ອດຳເນີນທຸລະກິດ ເຊົ່າສິນເຊື່ອລົດຈັກ ໄດ້ຈົດທະບຽນທີ່ ສປປ ລາວ ໃນປີ 2011 ດ້ວຍທືນຈົດທະບຽນ 4,005,000,000 ກີບ. ໂດຍໄດ້ຮັບອະນຸຍາດໃຫ້ດຳເນີນທຸລະກິດເຊົ່າສິນ ເຊື່ອຈາກທະນາຄານແຫ່ງ ສປປ ລາວ ເພື່ອໃຫ້ບໍລິການສິນເຊື່ອແກ່ລູກຄ້າຜູ້ທີ່ມີຄວາມຕ້ອງການເຊົ່າສິນເຊື່ອລົດຈັກໃໝ່ ,ລົດຈັກມືສອງ ແລະ ລົດໃຫຍ່ ໃນສາທະລະນະລັດ ປະຊາທິປະໄຕ ປະຊາຊົນລາວ.

ປະຈຸບັນ ບໍລິສັດຮ່ວມພັດທະນາເຊົ່າສິນເຊື່ອ ຈຳກັດ ມີສຳນັກງານໃຫຍ່ ຕັ້ງຢູ່ຖະໜົນເລກທີ 13 ເໜືອ ໜ່ວຍ 40 ບ້ານນາເລົ່າ ເມືອງສີໂຄດຕະບອງ ນະຄອນຫຼວງວຽງຈັນ ແລະ ມີສາຂາເປີດໃຫ້ບໍລິການໃນຕ່າງແຂວງອີກຈຳນວນ 3 ແຫ່ງ ຄື: ແຂວງສະຫວັນນະເຂດ, ແຂວງຈຳປາສັກ ແລະ ແຂວງຫຼວງພະບາງ. ຕໍ່ມາທຸລະກິດເຊົ່າສິນເຊື່ອມີການເຕີບໃຫຍ່ຢ່າງໄວວາ ຈຶ່ງໄດ້ມີການເພີ່ມທຶນຈົດທະບຽນ ໃນປີ 2023. ເພີ່ມທຶນຈົດທະບຽນເປັນ 5,200,000,000 ກີບ ແລະ ເພື່ອເປັນການຂະຫຍາຍກິດຈະການ ຮອງຮັບການເຕີບໃຫຍ່ຂອງທຸລະກິດ ບໍລິສັດຮ່ວມພັດທະນາເຊົ່າສິນເຊື່ອ ໄດ້ມີການຂະຫຍາຍການລົງທຶນໄປທີ່ປະເທດກຳປູເຈຍ ໃນປີ 2014 ເຊິ່ງປະຈຸບັນມີສາຂາເປີດໃຫ້ບໍລິການທີ່ກຳປູເຈຍທັງໝົດ 4 ສາຂາ. ຕະຫຼອດໄລຍະເວລາ 10 ກວ່າປີ ທີ່ບໍລິສັດຮ່ວມພັດທະນາເຊົ່າສິນເຊື່ອໄດ້ໃຫ້ບໍລິການແກ່ລູກຄ້າ ພວກເຮົາໄດ້ມຸ່ງໝັ້ນ ແລະ ພັດທະນາງານບໍລິການ ເພື່ອໃຫ້ສາມາດບໍລິການລູກຄ້າໄດ້ທຸກພື້ນທີ່ ບໍ່ວ່າຈະເປັນການອອກຮັບໃຊ້ລູກຄ້ານອກສະຖານທີ່ ການບໍລິການຜ່ານ Mobile app ຕະຫຼອດຈົນຜ່ານຊ່ອງທາງ Online ອື່ນໆ ເຊັ່ນວ່າ Fanpage Facebook Whatapp ແລະ tiktok ເປັນຕົ້ນ